एजेन्सी । आईसीसी टी–२० विश्व कप क्रिकेटमा जिम्बावे सुपर १२ मा प्रवेश गरेको छ ।

शुक्रवार भएको खेलमा स्कटल्यान्डलाई हराउँदै जिम्बावे सुपर १२ मा प्रवेश गरेको हो । स्कटल्यान्डले दिएको एक सय ३३ रनको लक्ष्य जिम्बावेले पाँच विकेट गुमाएर नौ बलअघि नै भेटायो ।

यसअघि होबार्टमा टस जितेर ब्याटिङ गरेको स्कटल्यान्डले निर्धारित २० ओभरमा छ विकेट गुमाएर एक सय ३२ रन बनायो ।

योसँगै सुपर १२ मा पुग्ने चार वटै टोलीको टुङ्गो लागेको छ । जिम्बावे समूह ‘बी’ को विजेता बन्दै सुपर १२ मा प्रवेश गरेको हो । आजै भएको पहिलो खेलमा आयरल्यान्ड यही समूहबाट उपविजेता बन्दै सुपर १२ मा पुगेको छ ।