कपिलवस्तु । झारफुक गर्ने भन्दै एक धामीले महिलालाई बलात्कार गरेका छन् ।

मंसिर २० गते २७ वर्षीय एक युवतीलाई झारफुकको बहानामा वाणगंगा नगरपालिका १० मेचकुरीका २७ वर्षीय पप्पु हरिजनले बलात्कार गरेका हुन् । जबरजस्ती करणी गरी फरार रहेका थिए ।

पीडित युवतीको जाहेरीपछि फरार रहेका हरिजनलाई प्रहरीले मंसिर २७ गते पक्राउ गरेको हो ।

बिरामी रहेकी ती युवतीलाई हरिजनले रातको समयमा झारफुक गरे ठिक हुने भन्दै जवरजस्तीकरणी गरेको पीडित युवतीले बताएकी छन् ।

पक्राउ परेका पप्पु हरिजनमाथि थप अनुसन्धान भइरहेको प्रहरीले जनाएको छ ।