काठमाडौं । भारतसँगको दुई खेलको टेष्ट सिरिजमा पराजय भोगेपछि बंगलादेशका मुख्य प्रशिक्षक रसेल डोमिङ्गोले राजीनामा दिएका छन्।

भारतसँगको टेष्टमा बंगलादेश पराजित भएपछि रसेलले राजिनामा दिएका हुन् ।

सन् २०१९ मा स्टिव रोड्सलाई मुख्य प्रशिक्षकबाट बंगलादेश क्रिकेट वोर्डले हटाएपछि उक्त पदमा रसेललाई नियुक्ति गरेको थियो । सम्झौता अनुसार रसेलको कार्यकाल सन २०२३ को विश्वकप सम्म थियो ।

रसेलको कार्यकालमा बंगलादेशले अष्टेलिया र न्युजील्याण्डविरुद्ध टी, २० श्रृंखला जितेको थियो ।

त्यस्तै न्युजिल्याण्डमा पहिलो टेष्ट पनि जितेको थियो । यसका अलावा दक्षिण अफ्रिका र भारतविरुद्धको एकदिवसिय श्रृंखला पनि जितेको थियो ।