काठमाडौं । राष्ट्रपति निर्वाचनका सम्दर्भमा सत्ता गठन्धनमा रहेका दलहरुले आफ्ना मतदातालाई प्रशिक्षण दिने भएका छन् ।

मङ्गलवार काँग्रेस संसदीय दलको कार्यालय सिंहदरवारमा बसेको गठबन्धन कार्यदलको बैठकले मौन अवधि सुरु भइसकेकाले आन्तरिक रूपमा प्रशिक्षित गर्ने निर्णय गरेको हो ।

यसका लागि मतदानमा सहभागी हुने सदस्यहरुलाई बुधबार ११ बजेसम्म काठमाडौं आउन निर्देशन दिएको छ ।

यही फागुन २५ गते हुने राष्ट्रपतिको निर्वाचनमा ८ दलबाट काँग्रेस वरिष्ठ नेता रामचन्द्र पौडेल र नेकपा एमालेबाट उपाध्यक्ष सुवास नेम्वाङ उम्मेदवार छन्।