काठमाडौं । सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगको पहिलो खेल मै नेपालले हार व्यहोरेको छ ।

किर्गिस्तानको बिस्केकस्थित स्पोर्ट्स एण्ड रिक्रिएसन कम्प्लेक्समा आइतबार भएको खेलमा नेपाललाई मंगोलियाले ३-१ को सेटमा पराजित गरेको हो ।

मंगोलियाले नेपाललाई २५-१९, २५-२०, २५-२७ , २५ -२० ले हराएको हो । नेपालले अब दोस्रो खेलमा सोमबार किर्गिस्तानसँग खेल्नेछ । मंगोलिया विरुद्ध नेपालका हेमन्त मल्ल र भीम गाहा मगरले डेब्यु गरे ।

काभा पुरुष भलिबल नेपालसहित किर्गिस्तानको दुई टोली, इरान, तुर्किमिनिस्तान, मंगोलिया र उज्वेकिस्तान गरि सात टोलीको सहभागिता रहेको छ । नेपालले यसपटक नयाँ कप्तान हरि हजुर थापाको नेतृत्वमा खेल्दैछ ।