काठमाडौं । सेन्ट्रल एसियन भलिबल एसोसिएसन (काभा) पुरुष भलिबल नेसन्स लिगको चौंथो खेलमा नेपालले आज बिहीबार तुर्किमिनिस्तानसँग प्रतिस्पर्धा गर्दैछ ।

बिस्केकस्थित स्पोर्ट्स एण्ड रिक्रिएसन कम्प्लेक्समा नेपालले तुर्किमिनिस्तानको सामना गर्नेछ । खेल नेपाली समय अनुसार साँझ ५:४५ बजे सुरु हुनेछ ।

अंक विहीन रहँदै अघिल्ला तीन खेलमा लगातार हार व्यहोरेको नेपाल आज पहिलो जित निकाल्ने योजनामा रहेको छ ।

नेपालले पहिलो खेलमा मंगोलिया र दोस्रो खेलमा आयोजक किर्गिस्तानसँग हार व्यहोरेको थियो । यस्तै तेस्रो खेलमा नेपाल इरानसँग पराजित भएको थियो ।

नेपालसहित ७ टोलीको सहभागिता काभा नेसन्स लिगमा नेपालले पाँचौं खेलमा किर्गिस्तानको ‘बी’ टोली र अन्तिम खेलमा उज्वेकिस्तानसँग खेल्ने छ ।