काठमाडौं । नेपालको एकदिवसीय अन्तर्राष्ट्रिय वरियतामा नेपालको स्थान खस्किएको छ ।

अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको नयाँ एकदिवसीय अन्तर्राष्ट्रिय वरीयतामा नेपाल एक स्थान तल झरेर १५ औं स्थानमा पुगेको हो ।

एकदिवसीय विश्वकप छनोटका ६ खेल मध्ये २ मा मात्र जित हात पारेसँगै नेपालको वरीयता खस्किएको हो ।एसोसिएटतर्फ स्कटल्यान्ड शीर्ष स्थानमा रहेको छ । नेदरल्यान्ड्स दोस्रो र नेपाल तेस्रो स्थानमा रहेको छ ।

एकदिवसीय अन्तर्राष्ट्रिय वरीयताको शीर्ष स्थानमा अस्ट्रेलिया छ । यस्तै, पाकिस्तान दोस्रो, भारत तेस्रो तथा न्युजिल्यान्ड चौथो स्थानमा रहेका छन् ।