काठमाडौँ । अभिनेत्री वर्षा शिवाकोटीले चितवनमा एक महिलाको शंकाष्पद मृत्यु प्रकरणमा युट्यूवरहरुले चर्तिकला देखाएको टिप्पणी गरेको छिन् ।
केहीदिन अघि चितवनकी सविता भण्डारीको शंकाष्पद मृत्यु भएको थियो । मृत्युपछि सविताका संवेदनशील भिडियोहरु युट्युव र टीकटकमा भाइरल भएका छन् । वर्षाले राज्यको न्याय प्रशासनभन्दा युटयूबरहरुको अपरेसन प्रभावकारी हुनु भनेको न्याय मर्नु भएका टिप्पणी गरेकी छन् । त्यस्तै हिजो मात्रै राउटे युवती बलात्कृत भएका घटना सार्वजनिक भएको थियो।
यसैबिषयमा दुखेसो पोख्दै अभिनेत्री शिवाकोटीले सामाजिक सञ्जालमा भनेकी छिन्, ‘अझ रमाइलोका हिसाबले टीकटकमा लिपसिंकको होडबाजी छ, उनले थपिन्, ‘घटना संवेदनशील छन्, त्यसैले मेरो विनम्र अनुरोध छ, यस्ता घटनालाई मजाकको विषय नबनाऔं । सक्छौं भने सबै मिलेर राज्यलाई दवाव सिर्जना गरौं ।’
‘व्यक्ति कसैले कसैलाई सजाय दण्ड दिन सक्दैन, त्यसका निम्ति हाम्रो न्याय प्रशासनलाई मजबुत बनाउन हामी सबैले प्रभावकारी सहयोग र दबाब दिनु राम्रो हुन्छ। युट्युब र टिकटकमा राखिएका भिडियोले सम्बन्धित परिवारलाई कति पिडा होला ख्याल गरौं।’
Leave a Reply