वीरगञ्ज । श्रीमान कामको सिलसिलामा बाहिर रहेको मौका छोपी श्रीमती सुत्ने कोठाको झ्यालबाट रातको १२ बजे प्रवेश गरी जबरजस्ती बलात्कार गर्न खोज्ने एक जनालाई पर्सा प्रहरीले पक्राउ गरेको छ । २०७८ असार ०७ राति १२ बजेको समयमा पटेर्वा सुगौली गाउँपालिका–१ बस्ने बर्ष २५ को सुरेन्द्र भन्ने अब्दुल्लाह अन्सारीले ति महिलालाई जबरजस्ती करणी गर्न खोजेको अभियोगमा उनलाई पक्राउ गरिएको प्रहरीले जनाएको छ ।

जबरजस्ती करणी गर्ने उद्योग गरेको अभियोगमा पीडिको जाहेरी दरखास्तको आधारमा अन्सारीलाइ ९ गते नियन्त्रणमा लिई जबरजस्ती करणी उद्योग सम्बन्धी कसूरमा ५ दिन म्याद थप गरी अनुसन्धान प्रकृया अगाडि बढाइएको पर्सा प्रहरीले जनाएको छ ।