काठमाडौं । पछिल्लो २४ घण्टामा देशभर थप ३ सय ५१ जनामा कोरोना सङ्क्रमण पुष्टि भएको छ भने सोही अवधिमा २७३ जना सङ्क्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार ८ हजार ७२९ पीसीआर परीक्षणमा ३१३ र १ हजार ४४५ एन्टिजेन परीक्षणमा ३८ जना गरी ३५१ जनामा संक्रमण पुष्टि भएको हो।
पछिल्लो २४ घण्टामा जम्मा १० हजार १७४ जनाको कोरोना परीक्षण गरिएको मन्त्रालयले जनाएको छ ।
यस्तै, मन्त्रालयका अनुसार हाल देशभर ७ हजार ३०० जना सक्रिय सङ्क्रमित रहेका छन् । नेपालमा निको हुने दर ९७.७ प्रतिशत रहेको छ ।
त्यस्तै, कोरोना सङ्क्रमणबाट थप ९ जनाको मृत्यु भएको छ । हालसम्म देशमा कोभिड–१९ बाट ज्यान गुमाउनेको सङ्ख्या ११ हजार ५०९ को पुगेको छ ।
देशभर पछिल्लो २४ घण्टामा थप ९८ हजार ५११ जनाले कोरोनाविरुद्धको खोप लगाएका छन् ।
Leave a Reply