काठमाडौं । जिल्ला प्रहरी कार्यालय तनहुँले अभिनेता पल शाहविरुद्धको अनुसन्धान सकेर रायसहितको प्रतिवेदन जिल्ला सरकारी वकिलको कार्यालय, तनहुँमा बुझाइएको छ ।

नाबालिकामाथि जबरजस्ती करणी गरेको अभियोगमा पक्राउ परेका शाह अहिले तनहुँ प्रहरीको हिरासतमा छन् ।

तनहुँ प्रहरीले २१ दिन लामो अनुसन्धान सकेर सरकारी वकिल कार्यालयलाई प्रतिवेदन पेस गरेको हो ।

यसअघि जिल्ला प्रहरी कार्यालय, पूर्वी नवलपरासीले पनि शाहमाथि गरेको अनुसन्धान सकेर अदालतमा मुद्दा दायर गरिसकेको छ ।