काठमाडौं । आईसीसी विश्वकप लिग–२ अन्तर्गत एकदिवसीय सिरिजमा नेपालले आज घरेलु टोली नामिबियासँग खेल्दैछ । नेपाल र नामिबियाबीचको खेल दिउँसो १ः१५ देखि विन्डहोकस्थित वान्डरर्स क्रिकेट मैदानमा सुरु हुनेछ ।

विन्डहोकमा हुने खेलमा नेपाल घरेलु टोली नामिबिया विरुद्ध ओडिआईमा पहिलो जित निकाल्ने लक्ष्यसहित मैदान उत्रनेछ । नामिबिया घरेलु मैदानको फाइदा उठाउँदै जित निकाल्ने सोचमा छ ।

नयाँ कप्तान रोहित पौडेल तथा प्रशिक्षक मनोज प्रभाकरको आगमनपछि नेपालले लिग टुमा पहिलो शृंखला खेल्न लागेको हो । हालसम्म नेपालले नामिबियाविरुद्ध दुई एकदिवसीय अन्तर्राष्ट्रिय म्याच खेलेको छ ।

जसमा नेपाल दुवै खेलमा पराजित भएको छ । विश्वकप लिग–२ को अंक तालिकामा नेपाल हाल छैैटौँ स्थानमा छ ।