विराटनगर । नेकपाका महासचिव नेत्रविक्रम चन्द ‘विप्लव’ले नेपाललाई युक्रेन बनाउन खोजिएको बताएका छन् ।

समाजवादी मोर्चाले आज विराटनगरमा आयोजना गरेको सन्देशसभामा बोल्दै महासचिव विप्लवले यस्तो बताएका हुन् ।

साम्राज्यवादीहरूले देशलाई युक्रेन बनाउन खोजेको बताउँदै विप्लवले भने, ‘नेपाललाई निकास दिन नेपाली नै हुन्, कसैले युक्रेन बनाउन नखोजे हुन्छ ।’

परिस्थितिले फुट र जुट गराउने गरको बताउँदै उनले फुटले रमाउने तत्वहरू रमाएपनि जनता दुःखी भएको बताए ।

अब सन्देश दिनुपर्छ अब कम्युनिष्टहरू देशलाई आपत परेको बेला, देशलाई निकास दिन मिल्ने र कालोसपना देख्नेहरूलाई सखाप पार्ने उनले बताए ।