एजेन्सी । सलमान खानले मुम्बई प्रहरीबाट हतियार राख्ने अनुमति पाएका छन् ।

मर्निङ वाकमा निस्कनुअघि उनका पिता सलिम र सलमानले ज्यान मार्ने धम्कीसहितको पत्र भेटेपछि असुरक्षा महसुस गरेका भन्दै सलमानले प्रहरी आयुक्तसँग सहयोग मागेका थिए ।

लाइसेन्सको लागि प्रहरीलाई अनुरोध गरेपछि प्रहरीले हतियार लाइसेन्स प्रदान गर्नुअघि सलमानलाई दिइएको भनिएको सुरक्षा चुनौतीबारे अनुसन्धान गरेको थियो । लरेन्स बिस्नोइ र उनको ग्याङबाट सलमानलाई सुरक्षा चुनौती थपिएपछि उनी बन्दुक राख्ने निधोमा पुगेका हुन् ।

खान परिवारलाई धम्की दिइएको यो पहिलोपटक भने होइन । सलिम खान जगिङमा निस्कने बेला उनलाई पनि मुसेवालाकै जस्तो हालत बनाइदिने लेखिएको चिठी भेटिएको थियो । धम्की आएपछि सलमानले तत्कालै मुम्बई प्रहरीलाई खबर गरेका थिए ।